Dán jagáš Porsáŋgolaš 2008

Maŋŋil meannudeami bajásšaddan- ja kultuvrra suorgestivrras ja gielddastivračoahkkimis guovvamánu 25.b., válljejuvvui Shirley Bottolfsen ovttajienlaččat dán jagáš Porsáŋgulažžan 2008.

Duogáš lea su ruhtačoaggináŋgiruššamat máŋggaid jagiid badjel, áŋgiruššamat mat leat boahtán Porsáŋggu boarrásiidda ja earáide buorrin.

Son oažžu 10 000 kr bálkkašumi ja plakeahta gielddagovastagain. Shirley Bottolfsen ieš lei hirpmástuvvan nammadeami ovddas. Son áigu ieš boahtit vuostáiváldit gudnečájáhusa ja bálkkašumi ovdal geasi.

Mii sávvat hui ollu lihkku sutnje!