Dearvvasdoallu - joavku

Infekšuvnna dárkkistan/vákšunprográmma galgá leat oassi kvalitehta- ja siskkáldasgozihanvuogádagas. Prográmma sisdoallát dárbbašlaš doaimmaid eastadit infekšuvnnaid ásahusain ja gieđahallat ja čuovvolit jus infekšuvnna deaivida.Dát mielddisbuktá ahte gielddas áiggis áigái leat bargovuogit / čađahanvuogit mo meannudit iešguđetlágan infekšuvnnaid, sorjavaš makkár slája njoammunávnnas lea. Muhton njoammunávdanasat njommot goaikkanasaid mielde áimmu čađa ja earát fas go njuolgga guoskkahit dávdabuvtti. Dákkár hástalusaid deaividit lea dehálaš ahte min dearvvašvuođabargit dihtet mo láhttet dilálašvuođain, ja ahte gielddas lea dárbbašlaš biergasat olámuttus.

Porsáŋggu dearvvasdoallojoavkkus lea okta bargi ossodagain PU, buohcciidossodat, Porstun, ruovttubuohccedikšu ja buohccedivššár Ellinor Englund lea koordinahtor. Gielddadoaktáris 1 lea dálkkaslaš ovddasvástádus.

Porsáŋggu gielda lea dán barggu geažil ásahan oktavuođa allaskuvllain, lea ovttasbargu 3. jagi buohccedivššárstudeanttaiguin geat besset leat joavkkus muhtin beivviid hárjehallanáigodagas. Porsáŋggu gielda oaidná dán positiiválaččat bestet buohccedivššáriid gildii ja dán bokte maid positiiválaš máinnašeami gieldda bálvalusa birra.

Vásttideaddji njoammunsuodjalusdoavttir ođasmahttá, heivehallá ja dohkkeha čađahanvugiid dás ovddas guvllui. Porsáŋggu gielda hálida bálvalit min bálvalusgeavaheaddjiid buot buoremus láhkai. Dán ektui lea dehálaš ahte mii háldet bargovuogiid ja lea máhttu eastadit infekšuvnnaid ahte eai dagat dárbbašmeahttun váikkuhusaid. Juohke infekšuvdna čuohcá garrasit sihke bálvalusgeavaheaddjiide ja bargiide.