Porsáŋggu dološ sámi lávlunárbevierru
Dihtet go ahte Porsáŋggus lei 1900-logu álgogeahčen sámi lávlunárbevierru? Lávlagat cuiggodedje dáruiduhttinpolitihka, dat ledje humoristtalaččat ja leat oassin guovllu historjjás.
Lill Tove Fredriksen, Biret-Jon-Risten-Kirste-Hanna Lill Tove, lea UiT Norgga árktalaš universitehta sámi girjjálašvuođa vuosttasamanueansa. Son lea Porsáŋggus eret. 1999s gárvii son sámi girjjálašvuođa váldofága mas váldofágabarggu tihttel lea: Porsáŋggu lávlagat. Mearrasámi lávlunárbevierru ja olmmošlaš reaškinkultuvra. Váldofágadutkkus lea vihtta sámi lávlaga guorahallan. Lávlagat leat ráhkaduvvon Porsáŋggus 1920-logus ja leat oassin lávlunárbevierus mii lei Porsáŋggus dan áiggi.
| Giella: | Ságastallan lea dárogillii |
| Lágideaddji: | Girjjálašvuođaguovddáš |
| Báiki: | Porsáŋggu giella ja kultuvraguovddáš |
| Goas: | Gaskaváhku, 8/3, dii 18.00 |
Sist oppdatert
Fant du det du var på jakt etter?