A A A
Kontrastverktøy Kontrastverktøy Giella Giella
 
4T8J3815_6_7_HDR_640x401

Porsáŋggu birra

Porsáŋgu lea guovdu Finnmárkku ja lea Norgga goalmmát stuorámus gielda viidodagas. Porsáŋggu gielddaguovddáš Leavdnja lea Finnmárkku njealját stuorámus gávppašanguovddáš. Porsáŋggus lea sihke duottar ja mearra ja lea ge “Finnmárkkuš”. Vuosttaš oassi gieldda namas boahtá rásis Guossarássi dahje sámegiel namas, borsi, mii mearkkaša rávdnji. Nubbi oassi, anger, máksá vuotna.

Muhtin fáktadieđut Porsáŋggu birra:

  • Viidodat 4.873 njealjádaskilomehtara
  • 3980 ássi 01.07.2016
  • Gaskaijabeaivvaš miessemánu 16. beaivvis suoidnemánu 27. beaivái
  • Skábmaáigi skábmamánu 25. beaivvis ođđajagemánu 16 beaivái
  • Váldoealáhusat leat bálvalusdoaimmat, mátkkošteaddjit, gávpi, suodjalus, eanadoallu, guolásteapmi ja boazodoallu

Dihtet go:

  • Porsáŋggu gielda lea guovdu Finnmárkku, ja lea goalmmádin stuorámus gielda 4.783 km2, 3980 ássi suoidnemánu 1.b. 2016.
  • Porsáŋggu vuotna lea Davvi-Norgga guhkimus vuotna ja Norgga njealjádin guhkimus. Vuonas leat olu sullot ja olu oaidnámušat, ja dávjá gohčoduvvo “máilmmi davimus báktesullot”.
  • Porsáŋgu lea moatti gielddain riikkas gos lea almmolaš stáhtus golmmagielat ja golmmakultuvrrat gieldan.
  • Porsáŋggu gielddas leat fiinna valáštallanrusttegat, earret eará spábbačiekčan-, goargŋun- ja máŋggageavahushálla. Lassin vel leat fiinna čuovgaláhttut Bissojogas, Rái`ádjagis, Billávuonas, Leaibevuonas ja Leavnnjas. Moatte jagi áigi rahppui Mohtorgilvoguovddáš Iŋggášguolbanii, ja Leavnnja Doalvepárka lea ásahuvvome. Rávttošvuomi álbmotmeahcis lea máilmmi davimus beahcevuovdi.
  • Porsáŋggu gielddas leat olu doalut nu mo; Polaris Cup, Storhallmessa, Glad Lakselv, Gaskaija rocka, Finnmárkku Fylkkarevyfeastivála ja Skohtermeassu.
  • Suodjalus ovddasta helikoptergádjunbálvalusain (330 skv) Leavnnjas ja Garnisovdna vuolit Jávrris, gos earret eará HV Finnmárku ja Alliert Treningssenteris lea váldoguovddáš.
  • Leavnnja girdišilju (Banak) lea Norgga viđát guhkimus seaivunbána, ja lea vuolggasadjin máŋgga ovddidanprošeavttain logistihkas ja Finnmárkku mátkeealáhusas.
Cavgil ustibii Čálit