Porsáŋggu gielda ávžžuha geavahit eFaktura čovdosa jos geavahat gieldda fálaldagaid. Dát guoská omd. mánáidgárddiide, SÁF:i, viessoláigomáksimii ja opmodatverrui. Lea šalošahtti go eat sáhte fállat eFaktura loanaid oktavuođas. Elektronalaš rehketmáksinčovdosiin oaččut rehkega njuolgga iežat neahttabáŋkui. Dasto ii leat eará go vel dohkkehit máksámuša ovdalgo gesso kontos.

Rehkegat sáddejuvvojit gárvásit devdojuvvon. Lea vejolaš ieš rievdadit rehkega sisdoalu ovdalgo manná máksimii.

eFaktura šiehtadusa dagat neahttabáŋkkus. Doppe gávnnat fitnodagaid mat fállet dákkár čovdosa dahje de sáhtát dohkkehit eFakturajearaldaga gielddas boahtte háve go mávssat rehkegiid. Lea maid vejolaš geavahit sihke eFaktura ja avtalegiro.

Jos ležžet jearaldagat de riŋges gildii, tlf 78 46 00 00 ja dáhtu plána- ja ekonomiija ossodaga ságaide.