Diehtu ássiide
Našunála doaibmabijut 18.01.2021 rádjái.
Ávžžuhusat
- Ale bovde gussiid ruoktot.
- Buot organiserejuvvon astoáiggedoaimmat, falástallamat, kulturdoalut ja eallinoaidnočoagganeamit siste ávžžuhuvvojit maŋiduvvot ja dollot 18.01.2021 maŋŋil.
- Garvit buot mátkkošteami Norggas ja olgoriikkas mii ii leat áibbas dárbbašlaš.
- Buot nuoraidskuvllat mannet rukses dássái.
Njuolggadusat
- Eanemusat dušše vihtta olbmot priváhtta doaluin olggobealde iežas ruovttu.
- Eanemusat dušše logi olbmo doaluin siste, nu movt falástallandoalut, kulturdoalut, seminárat, eallinoaidnočoagganeamit, seremoniijat jna. Doppe gos buohkat čohkkájit stuoluin mat leat gitta, sáhttet leat 200 olbmo.
- Hávdádemiin sáhttet lea 50 olbmo, vaikko leat stuolut mat eai leat gitta.
- Alkohola ii leat lohpi dárjudit.
