Porsáŋggu gielddas leat joddatableahtat gearggusvuođavuorkkás maid mii juohkit sidjiide geat leat vuollel 18 jagi, áhpehemiide ja sidjiide geat njamahit. Gielddas lea maid plána movt juohkit daid. jodda tableahtaid sáhttá oastit reseapta haga apotehkain.
Eiseválddit addet dieđuid ja rávvagiid álbmogii:
Buohkain vuollel 40 jagi berrejit leat joddatableahtat ruovttus, ávžžuha DSA. Lihkuhisvuohta Guoládat atomaelfápmodoaimmahagas Ruoššabeale, ja atomačáhcevuolfatnasat ja atomajiekŋafatnasat mat borjjastit Norgga rittus jámma buktet stuora risiko.
Lihkuhisvuođa geažil sáhttá leat dárbu joddatableahtaide sidjiide geat leat vuollel 18 jagi, áhpehemiide ja sidjiide geat njamahit.Lea hui unna risiko ahte vejolaš atomalihkohisvuohta Ukrainas buktá váikkuhusaid mii mielddisbuktá ahte mii Norggas fertet váldit joddatableahtaid.
Loga eambbo ráđđehusa siidduin.
Eiseválddit sáhttet rávvagiid addit dahje bidjat geatnegahtton doaibmabijuid maid don berret čuovvut:
Leage siste
Govčča uvssaid, lásiid ja biggohankanálaid, gidde ventilašuvnna. Liggenbumppet sáhttet leat alde. Siste orrun bistá dábálaččat oanehaš iige badjel 2 jándora. Siste orrun unnidan man olu suonjardeami don oaččut. Dat eastada maiddái maiddái vuoigŋamis rádioaktiivvalaš nuoskkideami dahje oažžutmis dan rupmašii.
Váldde juddatableahtaid jus eiseválddit rávvejit dan
Oastte juddatableahtaid apotehkas vurken várás ruoktot. Daga dan ovdal lihkohisvuohta geavvá, vai dus leat dat olámuttus. Juddatableahtaid galggat borrat dušše jus eiseválddit rávvejit dan, ja dušše mánát vuollel 18 jagi, rávis olbmot geat leat gaskal 18-40 jagi boarrásat, áhpeheamit, ja nissonat geat njámahit dárbbašit dahkat dan. Tableahtat várjalit ahte ii oaččo borasdávdda guoggomasráksái.
Riššut jus leat ožžon rádioaktiivvalaš nuoskkideami iežat ala
Basat sáibbuin almmá sárggokeahttá liikki. Geavat šámpu, muhto ale geavat balsama mii sáhttá darvvihit nuoskkideami vuovttaide. Basa biktasiid mašiinnas nugo dábálaččat. Sihko skuovaid njuoska basaldagain ja bálkes basaldaga maŋŋil.
Čuovo borramušrávvagiid
Eiseválddit sáhttet addit rávvagiid garvit biepmu ja juhkamuša maid eiseválddit eai leat dárkkistan. Guoská ovda mearkka dihte iežas gilvvagárddi ruotnasiidda ja cisterne čáhcái, ja bibmui maid ieš omardat nugo fuođđut, sáivačáhceguliide, guobbariidda ja murjjiide. Biebmu mii lea oston gávppis ja čáhceluoittu juhkančáhci viesus lea oadjebas.
Vuhtiiváldde eiseválddiid mearrádusaid mat gusket giddemiidda, buhtisteapmái dahje eváhkkui
Čuovo mielde rádios, tvs dahje interneahtas oažžun dihte ođđaseamos dieđuid eiseválddiid rávvagiid birra.
Loga eambbo rávvagiid birra dás: dsa.no/atomberedskap (norsk/engelsk)
