Porsáŋgu lea vuosttaš gielda Norggas mii lea almmolaččat golmmagielat gielda. Ássit Porsáŋggus leat dáččat, sápmelaččat ja kveanat. Dán geažil lea lunddolaš ahte gielda čalmmustahttá dán namma- ja giellapolitihkain. Vuollelis sáhtát lohkat departemeantta almmolaš mearrádusa stáhtaráđis.
Porsáŋgu lea ožžon ođđa nama
Stáhtaráđđi lea odne mearridan ahte Porsáŋggu gielda oažžu ođđa golmmagielat nama ođđajagimánu 1.b. 2004 rájes. Porsáŋgu oažžu golbma dásseárvosaš nammahámi – Porsanger (dárogiel), Porsáŋgu (sámegiella) ja Porsanki (kveana-/suomageilla).
Almmolaš čálalaš ja njálmmálaš gulahallamis galgá dat dárogiel nammahápmi atnot gos dárogiella atno, sámegiella ja kveana-/suomagiella fas gos sámegiella ja kveana- /suomagiella atno.
Gieldda almmolaš galbemiin nu mo hálddahusas, muđui ođđa logo ja gieldda almmolaš reivebáhpiriin, eaktodáhttun lea ahte buot golbma nama adnojit.
Mearrádus lea dahkon gieldda ohcamuša vuođul ja gielddalága láhkavuođus.
Ráđđehus lea deattuhan mearkkašumi ahte dat almmolaš máŋggagielat gielddanama lea ovddidan dihte sámegiela ja kveana-/suomagiela ja gáhtet čearddalaš gullevašvuođa.
Porsáŋgu lea vuosttaš gielda riikkas mii oažžu golmmagielat gielddanama. Ráđđehus lea ovdal gonagas cealkámušas mearridan guovttegielat namaid viđa gildii. Dán leat njeallje Finnmárkku fylkkas ja okta Romssa fylkkas. Ráđđehusa mearrádusat guovttegielat gielddanamat leat vuođđuduvvon báikkálaš álggan ja viiddis gulaskuddamiiguin.
