Billávuona mearrasámi bajasšaddanguovddáš (BMB)

Bures boahtin min lusa, min skuvlii mii lea guovddáš Billávuonas ja oainnus Porsáŋgguvuona badjel. Mii leat lahka meara, váriid ja Jekkir stádiona. Min ovttasbargoguoimmit orrot lahkosis ja min mánát besset oahpat reabbáid, dáludoallama, meara ja váriid birra. 

Min skuvllas leat 38 oahppi 1-10 luohkás. 1 ja 2 luohkká, ja 3-4 luohkká leat ovtta lánjas. Mii álgit skuvlabeaivvi lášmmohallamiin. 

BMB lea kulturguoddi mii deattuha sámegiela, mearrasámi kultuvrra ja historjjá. Min lagasbiras lea min oahpahallanbáiki. 

Mii ovttasbargat ruovttuin, ja skuvla galgá leat oadjebas ja buorre skuvla gos mánáid loaktin ja ovddasvástádus lea dehálaš. Návccalaš bargit, váhnemat geain lea beroštupmi ja mánát geain lea oahppanmokta addá buori oahpahallanbirrasa. 

BMB ovttasbargá mánáidgárddiin gos sámegiella ja kultuvra lea guovddážis. Mánáidgárddis leat 15 máná. Mánáidgárdi ja SAÁF lea seamma visttis.