Nuoraid doarjjabáiki lea ođđaálggahuvvon fálaldat Porsáŋggu gieldda psykiátralaš fágaovttadaga vuollásaš. Lea eaktodáhtolaš fálaldat buohkaide gaskal 13 ja 25 jagi. Guovddážis deaivvat 2 ollesolbmo, geat sáhttiba veahkehit jus dus ležžet hástalusat árgabeaivvis.

Jus dárbbašat muhtomiin hállat nugo garra balu, borranváttu, gárrendili, váttisvuođaid birra skuvllas dahje ráhkesvuođamorraša birra, váldde beare oktavuođa. Guovddážis ii galgga leat mihkkege nu váttis ahte ii sáhte háleštit dan birra.

Buohkat dárbbašit várra veahki muhtomin. Min gielddas ii galgga oktage dárbbašit leat okto váttisvuođaidisguin. Min bargojoavkkus lea jávohisvuođageasku, ja mii galgat rahčat veahkehit buoremus láhkai. Mii sáhttit ovd. veahkehit du jus dárbbašat earáiguin hállat; nugo sosiálkántuvrrain, doaktáriin, mánáidsuodjalusain dahje politiijáin.

Min gávnnat Porsanger helsetun:s, fysikálaossodaga uvssa sisa. Sáhtát čuojahit dahje fitnat dáppe. Mii maid sáhttit du lusa boahtit jus dan hálidat. Mii leat deaivamis beaivet, vuossárggas bearjadahkii gaskal 0800 - 1530.

Gulahallanolbmot:

Gølin Myrmel, birasbargi: 98 28 80 98

Anneli Naukkarinen, nuoraidkonsuleanta: 92 63 08 26

Kántuvra: 78 46 03 60