Vuossárgga ođđajagemánu 14.b. oaččui Svein Sjøveian duođaštusa ahte lei válljejuvvon oažžut árvonama ”Dán jagáš Porsáŋgolaš 2007”. Sátnejođiheaddji Mona Skanke geigii bálkkašumi.
Ráđđealmmái Gunnar Lillebo oassálasttii maid geigema.
Lei gielddastivračoahkkimis juovlamánu 12.b. 2007 ahte Svein Sjøveian 8 evttohasa gaskkas, ovttajienálaččat válljejuvvui Dán jagáš Porsáŋgolažžan 2007.
Válljen vuođuštuvvui ná:
Svein Sjøveian lea servodatdiđolaš ja servodatberošteaddji olmmoš, gii doaimmaha ollu beroškeahttá ovddu birra. Son lea árjjalaš veahkki máŋgga suorggis min báikkálaš servodagas, maid buot ahkásaččat min gielddas besset ávkkástallat. Porsáŋggu gielddastivra hálida dákko bokte geiget Svein Sjøveianii bálkkašumi su árjja ja beroštumi ovddas maid čájeha báikkálašservodaga doaimmaide ja ovdaneapmái.
Árvonama mielde čuvvo plakeahtta Porsáŋggu gielddagovastagain ja 10 000 kruvnnu.
Svein Sjøveian lea hirbmat ilus oažžut dákkár bálkkašumi, maid tulko leat dohkkeheapmin dan áiggi ja árjja maid lea geavahan eaktodáhtolaš bargui gielddas máŋggaid jagiid. Son válddaha iežas dego barggolaš geas álo leat máŋggalágan doaimmat ja barggut. Son lea maid háhppil lohkat ahte dán gielddas leat ollu áŋgiris olbmot geat ánssášivcce dákkár bálkkašumi.
Ieš lohká ahte mánáiguin ja nuoraiguin bargat buktá sutnje ilu - illuda oaidnit earáid ilu. Son deattuha man dehálaš lea mánáide ja nuoraide fállat máŋggabealat fálaldagaid, máŋggabealat fálaldagaid gos eatnašat besset oassálastit sin eavttuid mielde.
Son oaivvilda viidaset ahte gielddas eai livčče lean nu ollu doaimmat ja doalut jus olbmot eai livčče searvan veahkkálasbargui. Son maid čujuha ahte veahkkálasbargu livčče geahppasat jus ain eambbos searvvasivčče.
