Ovdagoddi meannudii čuovvovaš áššiid čoahkkimisttis gaskavahku cuoŋománu 9.b:
- Čuovgaláhtuid el-rávdnjegoluid gokčama váldonjuolggadusat
Mearrádus: Ovdagoddi (OG) árvala gielddastivrii ahte Porsáŋggu gielda buhtada 50 % gieldda čuovgaláhtuid el-rávdnjegoluin. Ortnet gusto borgemánu 1.b. 2008 rájes. - Ealáhushuksensaji oastinohcan Frode Sminesas ásahit goahtegili restoráŋŋain / kafeain, saniteara rusttegiin ja idjadangođiiguin. Ráhkadus galgá ásahuvvot Lavttenjárgii.
Mearrádus: Miehtat ohcamii nugo ohccon. Erenoamáš huksen ja opmodaga sirdima gáibádusat/eavttut biddjojedje - Bušeahttamudden nr. 1 - dearvvašvuohta ja fuolla
Mearrádus: Ášši váldo oktan 2008' bušeahttaproseassabargguin - Doarjja miessemánu 17.b. doaluide
Mearrádus: Ovdagoddi vuođđudii iežas gielddastivran gielddalága hoahppoparagráfa mielde (§ 13). Ásahus mearridii juolludit 25 000 kr miessemánu 17.b. doaluide. Olggosgollu biddjo 2008' bušehttii.
Eanaš áigi čoahkkimis manai digaštallat 2008' bušeahta ja makkár surggiin sáhttá geahpedit olggosgoluid. Ovdagoddi mearridii doallat erenoamáš čoahkkima vuossárgga cuoŋománu 21.b. digaštallat 2008' bušeahta. Viidáset bovdejuvvo Finnmárkku fylkkamánne gielddastivračoahkkimii cuoŋománu 23.b. Dát čoahkkin álggahuvvo tii. 0900. 
