Sámi giella- ja kulturguovddáš
Sámi giella- ja kulturguovddáš lea Porsáŋggu gieldda vuođđudus. Guovddážis lea sierra stivrenjoavku maid gielddastivra vállje. Sámi giella- ja kulturguovddáš ásahuvvui 1994:s, ja lea dat vuosttaš sámegiel giellaguovddáš Norggas. Min gávnnat kursaguovddážis Leavnnjas.
Višuvdna:
Porsáŋgu máŋggagielat ja máŋggakultuvrralaš gielda gos sámevuohta lea lunddolaš oassi
Ulbmilat:
- Geavahit, čalmmustahttit ja ovdánahttit sámegiela ja sámekultuvrra
- Čohkket sámi giellagelbbolašvuođa ja ovttastahttit giellaresurssaid
- Čalmmustahttit rávesolbmuid sámegiela ja sámi kulturmáhtu ja gaskkustit dan mánáide, nuoraide ja ollesolbmuide
- Ovddidit ođđa sámegiela giellageavahanvugiid
- Diehtojuohkin
Muhtun doaimmat:
- Sámegiella álgu kursa dárogielagiidda
- Sámegiella hállan- ja lohkankurssat dárogielagiidda (kurssaid I, II ja III čuovvoleapmi)
- Duodjekurssat, juoigankursa ja kurssat árbevirolaš máhtu birra
- Sámegiel lávlun-, musihkka- ja drámadoaimmat
- Ovddidit oahpponeavvuid
- Doalut Sámi álbmotbeaivvi
- Dáiddačájáhusat / Mari Boine balkkašumit čájáhus
- Vejolaš luoikkahit sámegiel girjjiid, musihkka-CD:aid ja filmmaid
- Mis leat gihppagat, diehtojuohkinmateriálat sámi servodaga ja sámegiela birra
- Sáhtát fitnat lohkame sámegiel bláđiid ja áviissaid
- Mis lea maid gákte- ja duodječájáhus
Dus lea vejolašvuohta fitnat guossis min luhtte árgabeivviid dii 9.00-15.00. Bures boahtin!
Bargit:
Beaivválaš jođiheaddji Sara Marlene Stødle Tlf. 92 20 56 04
Konsuleanta Anne Marie Anti Rønning Tlf. 48 50 16 31
Sámi giella- ja kulturguovddáš, Kirkevn. 28, 9700 Lakselv
E-poasta: samisk.spraksenter@porsanger.kommune.no
