Dál máksá juohke bearatgoddi/dállodoalli 538,65 kr jahkásaš divada sorjjasmeahttun galle bohcci juohke bearatgottis leat. Dán submi ovddas lea geavaheaddjái čuovvovaš bálvalus:
- Ruhtten ja geahčču
- Liggenrusttega árvvoštallan buollinsihkkarvuođa dahje boahtaga hárrái
- Ruovttuluotta spiehkastagaid birra (áššit maid eai sáhte dasttán divvut, oažžu eaiggát čálalaš ruovttuluottadieđu) .
Geahčču sisttisdoallá
Gielda galgá fuolahit ahte bearráigehččojuvvo, liggenrusttegat mat liggejit lanjaid ja visttiid galget leat ollásat, doaibmat nugo vurdojuvvon ja ii dagat buollima dahje eará vahágiid.
- Diehtojuohkin ja bagadallan liggema, liggenekonomiija ja buollinsihkkarvuođa birra ruovttus.
- Geahččoraporta čállojuvvo maŋŋil geahčču, raporta sáddejuvvo eaiggádii/geavaheaddjái/ovddasteaddjái.
- Bearráigeahččat ahte ruhttenboađa lea dohkálaš.
- Bearráigeahččat suovvajurggonasaid, čáskadanrusttegiid ja báhtaranvejolašvuođaid láhkaásahusa ektui.
- Bearráigeahččat ahte dolastansajit ja suovvabohccit leat ollásat ja doibmet nugo vurdojuvvon, ja eai dagat buollima dahje eará vahágiid (mii lea oainnehahtti) .
Man dávjá?
1998:s álggahuvvui dárboruhtten. Go buollinstatistihkka lassánii 90 jagiin, ja čájehuvvui ahte buollimat bohcciid ja dolastansajiid oktavuođas lei boasttubidjan ja dahje geavaheapmi sivvan dasa, de earáhuvai bálvalus maiddái bearráigeahččat liggenrusttegiid. Árvaluvvui ahte lei buoret eastadit buollimii go sirdá resurssaid dábálaš ruhttemis gehččui.
Gielda áigu fuolahit ahte buot suovvakanálat (bohccit jna) liggenrusttegiin mat liggejit lanjaid ja visttiid ruhttejuvvojit dárbbu mielde ja unnimusat oktii juohke njealját jagis. Gielda maid áigu fuolahit ahte liggenrusttegat bearráigehččojuvvojit ja ahte doibmet nu go vurdojuvvon. Dát bargu dahkku vealtat ahte boasttuvuođat ja váillit eai galgga dagahit buollimiid ja vahágiid. Seammá áigegaskkadat go namahuvvon.
Muhtin háve gáibidit rusttegat dávjjit ruhttema ja geahčču. Dán áimmahuššá gielda go árvvoštallá ovttaskas rusttegiid.
Ássi geatnegasvuohta
Viessoeaiggát dahje ássi geatnegahttojuvvo láhčit ruhttenláhkái. Mearkkaša ahte ferte leat dohkkehuvvon ráidalas olámuttus, dáhkke/rohperáidalas biddjojuvvon lágalaččat ja giddenráhkkanusat eatnan alde ráidalassii jus dáhkkái/rohpái lea badjel 5 m.
