Bearjadaga njukčamánu 27.b. bođii Shirley Bottolfsen Porsáŋgui oažžut ávvira ja bálkkašumi go leai válljejuvvon dán jagáš Porsáŋgulažžan 2008. Vuođustus geiget sutnje 10 000 kr ja plakeahta, lei su bargu máŋggaid jagiid eallilan olbmuid ja eará joavkkuid ovddas gielddas. Ollu čuohteduháhiid lea son čoaggán iešguđetlágan ulbmiliidda, muhto erenoamážit Porsanger Helsetunii.
Bálkkašupmi manai ollásit Helsetunii ođđa káfeserviisii 70 olbmuide, nugo mii juo dovdat Shirley! Čáppa Porsgunn porseliinna serviisa, árbevirolaš minstariin mii sihkkarit boktá muittuid eallilan olbmuin. Lihtiid maid Porsgrunn lei vuovdán ledje dieđusge hui hálbbi. Ja ii das doarvái, bálkkašumi vuoiti gal viežžalii vel ođđa beavdeliinniid Dearvvašvuođaásahussii. Ferte leat ollisvuohta, nugo Shirley čuoččuhii.
Almmolaš geigema doaimmahii sátnejođiheaddji Mona Skanke. Lei duođai njuorran bálkkašumi vuoiti gii válddii vuostá bálkkašumi, ja attii stuorra oasi gudnis Porsáŋggu iežas álbmogii ja isidis Per Bottolfsenii. Porsáŋggu gielda sávvá lihkku ja giitá dan čáppa skeaŋkka ovddas!
Shirley Bottolfsen ođđa serviisain
