Viimmat čoavddus báhpadillái
Ođđa báhpat Porsáŋgui
Njukčamánu mielde oažžu Porsáŋggu gielda 2 ođđa báhpa. Hirbmat ilolaš ja fiinna juovlaskeaŋka gieldda ássiide.
Ester Magdalena Sonderegger Lønmo álgá ođđa suohkanbáhppan Porsáŋgu. Dasa lassin lea su isit maid álgimin kapellána virgái. Ja nu leage Porsáŋgu ožžon 2 báhpa ja čoavdán báhpadili.
Go Ester M. S. Lønmo lea nammaduvvon ođđa suohkanbáhppan Porsáŋgui leat dat maid historjjálaš virgáibidjan. Son šaddá leat vuosttaš nissonolmmoš suohkanbáhppan Porsáŋggu gielddas.
Porsáŋggu gielda hálida sávvat lihkku báhpapárrii ja sávvat sudnuide buresboahtima Porsáŋgui. Soai álgiba virggiide loahpageahčen njukčamánu.
