Ovdabarggu prošeaktaáigodat lea 3 mánu. Prošeaktabargi lea Justas Garjonis. Sus lea eanadoallooahppu mielkebuvttadeami erenoamášoahpuin ja bargohárjehallan vuostábuvttadeamis.
Oasseulbmil ovdabarggus lea earret eará:
- kártet vejolašvuođaid buvttadit báikkálaš meieribuktagiid Gaska-Finnmárkkus vuovdimii
- kártet berošteaddji mielkebuvttadeaddjiid ja sin sávaldagaid
- kártet márkandárbbu ja makkár buktagiid
- árvvoštallat galgá go joatkit prošeaktabarggu buvttaovddideamiin mielkedoaluin
- kártet gelbbolašvuođadárbbuid
- berošteaddji mielkebuvttadeaddjit galledit dálá buvttadanlágádusaid fylkkas/gránnjáfylkkas