01.01.2010 doaibmagođii ođđa láhka mii guoská gielddaid heahteguovddáš fálaldagaide.
Láhka geatnegahttá gielddaid fállat veahkki heahteguovddážiid bokte iežaset ássiide. Gielddat sáhttet maid gaskaneaset dahkat ovttasbargošiehtadusaid dákkár fálaldagaid oktavuođas.
Dán vuođul lea Porsáŋggu gielda válljen ovttasbargat Kárášjoga gielddain oastin dihti heahteguovddáš fálaldaga Sámi Heahte- ja inceastaguovddážis/Samisk Krise og incestsenter.
Kárášjoga gieldda ruovttusiiddus gávnnat čuovvovaš dieđu fálaldaga birra:
Tlf 784 67088, mobiila 958 03160 E- poastta: Sámi Heahte- ja inseastaguovddáš
Rabasáigi: Jándorlaš bálvalus
Sámi Heahte ja inseastaguovddáš lea fálaldat illástuvvon ja inseastagillájeaddji nissonolbmuide ja mánáide. Kárášjoga gielda eaiggáduššá ja doaimmaha guovddáža.
Heahteguovddáža ulbmil lea veahkehit nissonolbmuid ja mánáid geat leat gillán veahkaválddi/illásteami ja inseastta/seksualálaš veahkaválddálašvuođa. Earret veahkehit olbmuid geat ohcalit guovddáža, de guovddáš doaimmaha oktillaš, árjjalaš diehtojuohkima ja čuvgenbálvalusa álbmogiid ja eará veahkkeásahusaide eastadan dihtii veahkaválddi ja illástemiid nissonolbmuid ja mánáid ektui.
Jus dáhtožat lassi dieđuid heahteguovddášfálaldatbálvalusain sáhtát dáppe lohkat
