Plánenlávdegoddi mearridii čoahkkimis 13.12.2011 bargagoahtit gieldda plánenstrategiijain, gč. plánen- ja huksenlága § 10-1.
Plánenstrategiija ulbmilin lea gieđahallat gieldda ulbmilaš válljejumiid mat gusket servvodaga ovdánahttimii. Dasa gullet guhkit áigge eanageavaheapmi, birashástalusat ja gieldda surggiid doaimmat. Dán oktavuođas lea maid sáhka gieđahallat dán válgaáigodaga gieldda plánendárbbuid. Plánenstrategiija deattuha ahte leat dárbbut mat galget stivret plánenbargguid ja dát barggut eai galgga dárbbašmeahttumit stuorrut.
Gieldda plánenstrategiija lea sadji gos sáhttá gieđahallat ođđa gielddastivrra áigodaga plánendárbbuid. Plánenstrategiija galgá leat veahkkin gieldda plánenbargguide mat eai lágalaččat váikkut gieldda álbmogii. Plánenstrategiija gieđahallojuvvo gielddastivrračoahkkimis geassemánus 2012.
Porsáŋggu gielda bovde buohkaid buktit cealkámušaid plánenbargguide. Cealkámušat sáddejuvvojit Porsáŋggu gildii, 9712 Leavdnja dahje čujuhussii postmottak@porsanger.kommune.no.
