Maŋŋebárgga 29. beaivvi rájes sáhttet 74 gielddabargi leat streikemin.
Dilli gártá álgobáliid čuohcat skuvllaide, mánáidgárddiide ja skuvlla astoáiggefálaldahkii. Dasa lassin čuohcá dát vel eambbo gieldda teknalaš ossodahkii.
Jos bargoheaitta bistá de gártá dilli ná miessemánu 29. beaivvi rájes:
- Leavnnja, Bissojoga ja Billávuona skuvllat doibmet ain 29. beaivvi muhto giddejuvvojit 30. beaivvi rájes
- Leavnnja mánáidgárdi doallá dušše smávvamánáid ossodaga rabasin dii. 9-14 29.05 - giddejuvvo
gaskavahkku miessemánu 30. beaivvi rájes.
- Ájanas mánáidgárdi giddejuvvo maŋŋebárgga miessemánu 29. beaivvi rájes.
- SAÁF/Vindvotten lea doaimmas 29.05 - giddejuvvo 30.05
- Bissojoga ja Billávuona SAÁF lea doaimmas 29.05 - uvssat giddejuvvojit 30.05 rájes
- Bissojoga ja Billávuona mánáidgárddit doibmet ain 29.05 - giddejuvvojit 30.05
Skuvllat, mánáidgárddit ja skuvllaid astoáiggefálaldat gártet bissehit buot doaimmaid gaskavahkku 30. beaivvi rájes. Sivvan dasa lea go čorgejeaddjit maid streikejit.
Porsáŋggu gielda šálloša go olbmot gártet vásihit váttisvuođaid bargoheaitaga dihti.
