Gielddaid ođđa klinihkalaš šibitdoaktáriid fáktaortnet lonuha ovddeš rámmašiehtadusa DNV ja KS gaskas mas organiseren ja buhtadus lea guovddážis oassálastimis šibitdoaktára fáktaortnegis.
Porsáŋggu gielda čujuha KS` A-johttičállosii 2/2012. KS váldá badjelasas gaskaboddosaš klinihkalaš šibitdoaktáriid fáktaortnega hálddašeami gielddaid ovddas ja eaktuda gielddaid dohkkehit mearrádusa mii ii leat tariffašiehtadus. Njuolggadusat cagget dasto KS` mearrideamis maidege gielddaid ovddas.
01.07.2012 rájes doaibmá šibitdoaktáriid fáktaortnet (ovddeš rámašiehtadus DNV ja KS gaskas) dušše KS` ávžžuhussan nu guhkás go heive. Mearrádus mielddisbuktá ahte eai šatta stuorát rievdadusat klinihkalaš šibitdoaktáriid fáktaortnega hálddašeamis 01.07.2012 rájes. KS hálddaša ortnega, fáktahámádaga jnv. gielddaid ovddas, muhto liikká lea juohke gielddas formálalaš ovddasvástádus bálvalusa doibmii.
Porsáŋggu gielda lea hálddahuslaččat gieđahallan ášši čuovvovaš mearrádusain:
Porsáŋggu gielda searvá gielddaid ođđa klinihkalaš šibitdoaktáriid fáktaortnegii 01.07.2012 rájes nugo KS` A-johttičálus 2/2012 mildosiiguin muitala.
Šibitdoaktárat, geat oassálastet, jotket seammá eavttuiguin go ovdal gitta 31.12.2012 rádjai, gč. johttičállosa rávvagiid.
Porsáŋggu gielda dohkkeha joatkit šibitdoaktáriid fáktaovttasbargguin fáktaguovllu gielddain. Gielddat leat Porsáŋgu, Davvesiida, Gáŋgaviika ja Davvenjárga ja ortnet lea doaimmas 01.07.2012 rájes gitta 31.12.2012 rádjai.
A-johttičállosa jnv. sáhttá lohkat dáppe her.
