Ohccit eai šat oačču báberskovi poasta mielde. Ovdagihtii čállon dieđut gávdnojit juo dan ođđa elektrovnnalaš ohcanskovis. Go háliidat geahčat skovi de fertet logget sisa Altinn bokte ja geavahit iežat BankID sisabeassančoavdaga.
Dán jagi fertejit ohccit geavahit elektrovnnalaš ohcanskovi. Dan oktavuođas lágida Porsáŋggu gieldda eanadoallokantuvra buvttadoarjjakurssa PIAS dihtorlánjas (Porsáŋgguvuona valáštallanpárkkas) gealláris duorastaga ođđajagimánu 10. beaivvi dii. 12-14. Jurdda lea ahte olbmot, geat servet kursii, galget beassat gárvet ohcamušaid dan botta go leat doppe ja danin de fertejit buohkat muitit váldit mielde ieazaset Altinn koda kursii.
Gielddas gávdnojit moadde báhpáris ráhkaduvvon ohcanskovi. Jos háliidat dákkár skovi de fertet váldit oktavuođa gieldda eanadoallokantuvrrain.
Eanet dieđuid gávnnat dáppe Statens landbruksforvaltning.
