DepartementssymbolPorsáŋggu gielda lea ožžon 90.000 kruvdna sturrosaš doarjaga Den kulturelle Spaserstokkenis 2008. Boarrásiid ráđi jođiheaddji Aina Hanssen lea hirbmat ilus juolludeami ovddas.

Den kulturelle spaserstokken galgá fuolahit ahte eallilan olbmot miehta riikka ožžot proffa kulturfálaldaga, sajiin gos boarrásat dábálaččat leat.

2008 ' Stáhtabušeahtas lei oktiibuot 15 mill. kruvnna juolluduvvon Den kulturelle Spaserstokkenii, 10 millijuvnna Kultur- ja girkodepartemeantta ja 5 millijuvnna Dearvvašvuođa- ja fuolahusdepartemeantta bušeahtas. Den kulturelle spaserstokken galgá láhčit dili ovttasbargui gaskkal fuolahus- ja kultursuorggi, ja adnot Den kulturelle skolesekken máli mielde. Kultur- ja girkodepartemeanta lea ožžon oktiibuot 196 ohcama 2008:s.

Porsáŋggu gielda Kultur- ja bajásšaddanossodaga ja Boarrásiid ráđi bokte lei dán jagi ohcan ruđaid. Boarrásiid ráđi čoahkkimis 2008' giđa árvalii jođiheaddji Aina Hanssen ohcat 150.000 kr. doallat konseartta Åge Aleksandersenain buohcciossodaga áicangárddis 2009' čavčča. Eará miellahtut mihte árvalussii, ja gieldda Kultur- ja bajásšaddanossodat sáddii ohcama departementii.

Dál galgá bargolávdegoddi vuođđuduvvut mas galgá leat ovddasvástádus plánet ja čađahit prošeavtta.

Dás gávnnat ollislaš gova geat doarjaga ožžo 2008' Den kulturelle Spaserstokkenis.