PIU lea duhtavaš
Stuorra beroštupmi
Oktiibuot 29 olbmo fitne kurssas mas sáhka lei mo jierpmálaččat bargat doarjagiid ohcamušaid ektui.
Kursa lágiduvvui Fjordutsikten báikkis duorastaga 18.10 gos fitnodagaid álggaheaddjit, fitnodagat ja iešguđetge searvvit deaivvadedje. 2011:s lágiduvvui seammalágan kursa ja searvvit mat dalle oassálaste vásihedje buoret ruđalaš dili doarjjaohcamušaid geažil. Justa dát dáidá leat sivvan dán vuoru stuorra beroštupmái, árvvoštallet lágideaddjit.
Dieđit iežat searvvi Tilskuddsportalen doarjjabáikái
PIU ávžžuha servviid dieđihit iežaset Tilskuddsportalen doarjjabáikái. Doppe oaččut diehttit doarjagiid birra maid searvvit sáhttet ohcat. Jos háliidat searvat de fertet váldit oktavuođa ovttain dáid olbmuid gaskkas: mariell@pias.no, silje.coucheron@porsanger.kommune.no, frank.seppola@porsanger.kommune.no dahje alf.emil.paulsen@porsanger.kommune.no
2012 kurssat ja fierpmádathuksen
- 31.10.12: Dán jagi maŋimuš iđitdeaivvadeapmi
- 15.11.12: Kursa sosiála mediaid birra
- 28.11.12: Porsáŋggu konferánsa fitnodat álggaheami birra Finnmárkkus mas ruhtadeapmi lea fáddán
Dieđut bohtet maid porsanger.no, ja facebook siidduide.
