A A A
Kontrastverktøy Kontrastverktøy Giella Giella
 

Ássandoarjja

Mii lea ássandoarjja?

Ássandoarjja lea doarjja maid sáhtát ohcat jus dus lea unnán sisaboahtu ja alla ássanolggosgolut. Viessobáŋku ja gielda ovttasbargaba dáinna ortnegiin. Viessobáŋku mearrida mearrádusaid, muhto lea gielda mii meannuda ohcamušaid ja doalaha oktavuođa ohcciiguin.

Eaktu ássandoarjagii

Buohkat geat leat badjel 18 jagi sáhttet ohcat ássandoarjaga, earret studeanttat ja olbmot geat leat vuosttasgeardebálvalusas. Muhto sáhttát ohcat jus

  • leat mánnáolmmoš ja leat studeanta
  • leat mánáhisolmmoš ja studeren lea oassin almmolaš bargoheivehandoaibmabidjun
  • leat mánnáolmmoš vuollel 18 jagi

Fertet ássat viesus masa ozat doarjaga. Buohkat geat orrot viesus galget leat sisačállon álbmotregistarii.

Viessu galgá leat dohkkehuvvon birrajagi viessun. Seammás galgá maid viesus leat iežas olgouksa, iežas basadanlatnja/hivsset ja vejolašvuohta vuoiŋŋastit ja málestit. Jus ásat ovtta searvvis earáiguin, sáhtát lihká ohcat ássandoarjaga.

Sisaboađurájit

Leat mearriduvvon sisaboađurájit ovdal go sáhtát ohcat ássandoarjaga.

Rájiid gávnnat dáppe

Sáhtát ohcat juogo elektrovnnalaččat dahje bábirhámis. Ohcanáigemearri ássandoarjagii lea 14.b juohke mánus. Máksu lea 10.b maŋit mánus.

Oza ássandoarjaga

Bábirohcamušat sáddejuvvojit Porsáŋggu gildii, ráđđeviessu, 9712 Leavdnja.

Dieđit jus leat rievdamat

Jus oaččut ássandoarjaga, de it dárbbaš ohcat juohke mánus. Muhto fertet dieđihit gildii

  • jus leat mearkkašahtii stuorra rievdamat sisaboađus ja opmodagas (fertet sáddet sierra skovi)

  • jus don/doai/dii fárrebehtet eará vissui (dalle fertet ohcat ođđasit)

  • jus okta dahje eambbogat fárrejit vissui dahje olggos

  • jus ássanolggosgolut rivdet

  • jus okta ássiin álgá studeret

Dieđit rievdadusaid

Váidalus ássandoarjja mearrádussii

Jus oaivvildat ahte juoga lea boastut meannudeamis, sáhtát váidalit 3 vahku sisa dan rájes go ožžot mearrádusa. Muhtumin fertet deavdit sierra váidalusskovi. Váidalusa sáddet gildii.

Váidalus ássandoarjja mearrádussii

Sávat go ohcat viidáset ássandoarjaga, de sáddet ođđa ohcamuša gildii.

Lasi dieđut

Gávnnat lasi dieđuid ássandoarjaga birra viessobáŋku ássandoarjagašsiidduin. Sáhtát váldit oktavuođa gielddain oažžun dihte veahki ja bagadusa.

Cavgil ustibii Čálit