Porsáŋggu gielddastivrra mearrádusa vuođul rievdá oahpiid skuvlasáhttofálaldat Porsáŋggu gielddas skuvlajagi 2008/2009 rájes.
Porsáŋggu gielddastivra lea mearridan ahte dušše lágalaš nuvttá skuvlasáhttofálaldat gálgá doaibmat skuvlajagi 2008/2009 rájes.
Oahpahuslága §7-1 vuosttaš oasis čuožžu: Oahppit geat orrot guhkkelis go njeallje kilomehtera skuvllas lea vuoigadis nuvttá skuvlasáhttui. 1. luohká/ovdaskuvla oahpiide lea sáhttorádjá guokte kilomehtera. Oahpiin geain lea erenoamáš váralaš dahje váttis skuvlageaidnu lea vuoigadis nuvttá skuvlasáhttui sorjjasmeahttun man guhkes skuvlageaidnu lea.
Leavnnja skuvlabiire:
Čuovvovaš skuvlasáhtu ortnet gusto danne jagi 2008 skuvlaálgima rájes:
- 1. luohká oahppit ožžot nuvttá skuvlasáhttu nugo ovdalis ge.
FFR vuodjá daid seammá ruvttuid go mannan jagi ge. Mielddisbuktá ahte 2. - 10. luohká oahppit geat eai leat vuoigadis nuvttá skuvlasáhttui sáhttet oastit ráigankoartta/mánnokoartta FFR:s.
- 2.-10. luohká oahpit guovlluin gos eai leat vázzin- ja syhkkelluottat ožžot maid nuvttá skuvlasáhtu. Gusto oahpiide dáin guovlluin:
- Kárášjogageaidnu: syhkkelluotta geažis Kárášjoga guvlui
- Dulerohtu-geainnu guora
- Bálojohka, Hávdnageaidnu, Soggovuotna, Lammasdieva
- Klemetstadgeaidnu: Holmen Šaldi, Leenastryket
- 2.-10. luohká oahppit geat orrot Saarelas, Opstad-ássanguovllus ja Smørstadbrinkenis ii leat nuvttá skuvlasáhttu, muhto sáhttet oasti ráigankoartta/mánnokoartta.
Guovlluskuvllat:
Oahpahusláhka § 7-1 vuosttaš oassi gusto. Váldde oktavuođa skuvllain dárkilat dieđuid oažžut skuvlasáhtu birra.