Rabas beaivi Bissojoga šaddanguovddážis

Maŋŋebárgga golggotmánu 28.b. lei rabas beaivi Bissojoga šaddanguovddážis.

Oahppit ledje ovdalgihtii bargan fáttáin Murmanska/Ruošša birra. Ledje ráhkadan seaidneáviisa fáttá birra ja oahppit geavahedje resursaolbmuid báikegottis ja guossohedje skuvlabeaiveborramuššan ruošša borramuša.

Rabas beaivvis lágidedje skuvlaoahppit ja mánáidgárdemánát riikkaidgaskasaš kafea gos vuvde juhkamušaid, váffeliid ja gáhkuid. Oahppit ledje ráhkadan ruošša borramušaid ja guossohedje ruošša gáhku. Kafeas lávlo oahppit ja mánáidgárdemánát fiinna ustitvuođa lávlaga ja dánsu ruošša dánssa.

Sii vuvde maid buktagiid maid ieža ledje ráhkadan. Ledje bivnnuhis biergasat ja nohkkojedje jođánit - erenomážit ledje steikenspoađut maid ieža ledje ráhkadan bivnnuhat. Vuorbádeapmi manai hui bures ja buohkanassii vuvde olles 579 vuorbbi. Oahppit besse hárjehallat lohkat cuvkehanruđaid, mii mielddisbuvttii ollu somás kommeanttaid.

Rabas beaivvi doaimmat bukte 2 tiimmas sisaboađu kr. 3 861,- mii ollislaččat manná SOS-mánáidgávpogii Kandalaksjai Murmánskkas

Sáhtát lohkat eambbo SOS- mánáidgávpot birra Kandalaksjas DÁS