Porsáŋggu gielda lea ovdal muhtin ártihkkalis dieđihan radoniskkadeami birra Porsáŋggus. I denne artikkelen fremkommer det hvor i Porsanger en finner konsentrasjoner over 100 Bq/m3 i inneluft.
Porsáŋggu gielda čujuha radoniskkadeapmái Porsáŋggus 2001:s. Raporta, mii ráhkaduvvui maŋŋil iskkadeami, čájeha ahte muhtin guovlluin lea veahá alit radongávdnasat go eará sajiin.
Doppe gos mihtideamit čájehedje sisáimmu radonkonsentrašuvnna eambbo go 200 Bq/m3 ávžžuheimmet čađahit doaibmabijuid.
Statens Strålevern lea dál vuolidan doaibmabidjorájá. Ođđa sisáimmu radonkonsentrašuvnna rádjá lea 100 Bq/m3. Danin orro leamen nu ahte muhtimat sis geat mihtidedje radona viesustis fertejit ođđasit mihtidit.
Artihkkalis oidno gos Porsáŋggus gávdná sisáibmokonsentrašuvnnaid badjel 100 Bq/m3.
Viessoeaiggádat geat hálidit diehtit lea go sin viessu láhka dahje badjel mearriduvvon rájáid sáhttet váldit oktavuođa Porsáŋggu gielddain Henry Olsen bokte.
Eanet dieđuid sisáimmu radona birra, geahča Statens stråleverns ruovttusiidduid.