Porsáŋggu gielda fállá dál eFaktura dutnje gii mis oasttát fálaldagaid. Sáhtát dáinna vugiin máksit mánáidgárdesaji rehkegiid, SAÁF sajiid, viessoláiggu, gieldda opmodatdivadiid jna. eFakturain oaččut gárvves devdojuvvon rehkega njuolgga du neahttabáŋkui, ja sáhtát dohkkehat dan ovttain coahkkaleamiin.
Dát rehkegat orrut du neahttabáŋkkus 16 mánu, ja danin dieđát don álo makkár rehkegiid leat máksán ja maid it leat máksán Porsáŋggu gildii. Min dárbbut leat iešguđetláganat, danin lea eFaktura heivehuvvon geavaheaddjiid sávaldagaide.
Rehkegat sáddejuvvojit gárvásit devdojuvvon dohkkeheapmái neahttabáŋkui dan sadjái go poastakássii, ja don it dárbbaš geavahit áiggi čállit guhkes KID- ja kontonummariid. Sáhtát dieđusge iežat rievdadeamiid dahkat rehkegis ovdal go dohkkehat máksima.
eFaktura šiehtadusa ordnet neahttabáŋkkuin go manat eFaktura fállolistui, dahje coahkkalit “ja takk til eFaktura” boahtte háve go mávssát rehkega Porsáŋggu gildii.
