It dárbbaš vuordit válgabeaivái čakčamánu 14.beaivái jienastit. Sáhtát jienastit almmolaš válgabáikkis gielddas gos dál leat – sorjjasmeahttun makkár gielddas leat jienastuslogus.
Jus leat olgoriikkas, Svalbarddas dahje Jan Mayenis sáhtát jienastit juo suoidnemánu 1. beaivvi rájes čakčamánu 4.beaivvi rádjái. Jus leat sisriikkas sáhtát ovdagihtii jienastit borgemánu 10.b. – čakčamánu 11. b. áigodagas.
Lea maid vejolaš ovdagihtii jienastit suoidnemánu 1.beaivvis borgemánu 9. beaivái, muhto dalle fertet šiehtadit gielddain jienasteami birra.
Porsáŋggu gielddas lea ovdagihtiijienasteami vuostáiváldin Porsáŋggu bálvaluskantuvrras čuovvovaš áiggiide:
01.07 – 07.08.09 vuo – bea tii. 09.00 - 15.00 ( ferte šiehtadit áiggi tlf 78 46 00 00)
Dábálaš ovdagihtiijienastanvuostáiváldin lea čuovvovaš áiggiid Porsáŋggu girjerájus:
10.08 – 04.09.09 vuo – bea tii 09.00 – 15.00
Lávvardaga 05.09.2009 tii. 10.00 – 14.00
07.09 – 11.09.09 vuo – bea tii. 09.00 – 15.00
Lea maid vejolaš ovdagihtii jienastit Solbrått boarrásiidruovttus, buohcciidossodagas Porsanger Helsetunas, Porstun ássan- ja birasguovddážis ja Garnisonen i Porsanger:s. Áiggit almmuhuvvojit maŋŋá. Lea maid vejolaš sidjiide geat dearvvašvuođalaš sivaid geažil eai buvttet jienastanbáikái válgabeaivvi dahje ovdagihtiijienastanbáikái, jienastit ruovttuidasaset. Ohcan telefovnna bokte 78 46 00 00.
Leat seammá njuolggadusat ovdagihtii jienasteames go válgabeaivvi.
Jus galggat sáhttit ovdagihtii jienastit ferte leat dus válgakoarta, válgastivra gielddas gos don leat čálihuvvon jienastuslohkui sádde dutnje dan. Koarta ferte leat mielde go ovdagihtii jienastat. Jus it leat ožžon válgakoartta dahje leat vajálduhttán váldimis mielde, lea gielddas vejolašvuohta čállit dutnje ođđa válgakoartta nu ahte liikká beasat ovdagihtii jienastit.
Diehtojuohkinfilmmas Slik stemmer du ved Stotingsvalget maid gávnnat min neahttasiiddus fálloválljemis Stuorradigge- ja Sámediggeválga 2009 čájehuvvo mo dát geavvá geavahusas.
Eambbo dieđuid 2009’ Stuorradigge- ja Sámediggeválggaid birra, geahča neahttabáikki valg.no
