Eanandoallohálddáhus Porsáŋggu gielddas lea ovddasvástádus ealáhusovdáneami- ja hálddašandoaimmaid mat gullet eanadollui. Hálddahus lea otne teknihkalaš ossodaga vuollásaš ja lea kantuvra ráđđeviesus Leavnnjas.
Eanandoallohálddahusas lea ovddasvástádus doaimmaide mat gullet eanandollui, meahccái ja boazodollui.
Doaimmat: buvttadandoarjja, eanaláhkaáššit (ea.ea juohkin ja ođđasisjuohkin), konsešuvdna- ja árbevuoigatvuođa áššit, eaiggátsirdin áššit (konsešuvdnaohcamušat ja julggaštus konsešuvnnas eret beassan) báikkálaš birasdoarjja, earenoamáš birasdoaibmabiju eanandoalus (SMIL- ruđat), Innovasjon Norge ohcamušaid bagadallan, smávvaskálá borramuš, giliidovdáneami ruhtadeamit, sámedikki doarjja eanandollui, gulaskuddan láhkaáššiin mat gusket eanandoallo áššiide, áššit mat gusket Finnmárkkuopmodahkii, gielddaidgaskasaš šibitdoavttir vuorrošiehtadusat- ja máksimat, šibitdoavttirdoaibmašiehtadusat- ja máksimat, kultureanandoaibma, movttiidahttinruhta šibitdoavttirfálaldahkii, gieldda huksen- ja juohkináššiide cealkámuš, bálvváide refušuvdnamáksin luomuin / astoáiggis, gilážiidovdánahttinveahkki ja veahkki ealáhusovdánemiide eanandoalus, gielddalaš bargu mii guoská šibihiidda mat leat boraspire vahát meahcceguovlluin, doarjjaortnegat fylkkadásis ja plánenbarggut.
Gielddas leat iežas eanandoalloprošeavttat, ea.ea ovttasbargu eará gielddaiguin Finnmárkkus.
Eanandoallu- ja lassáneapmi prošeakta loahpahuvvo ođđajagimánu/guovvamánu 2017, muhto joatkašuvvá ođđa golmma jahkái SápmiAgri 2017-2019. Gieldda eanandoalloplána lea politihkalaš gieđahallama vuolde. Lassin leat ráhkaduvvon fágalaš hálddašanplána čuonjá gáhttema dihte ja Goarahat ja Njárga válljejuvvon kulturduovdagii.
Gielddain Finnmárkus lea oktasaš hoavda Áltas.
