Trond GiskeEaktodáhtolašvuođaregisttar dagaha álkibun kártet makkár eaktodáhtolaš joavkkut ja searvvit gávdnojit gielddain. Buot dieđut mat čálihuvvojit registarii leat almmolačča, earret riegádusnummar.

Eaktodáhtolašvuođaregisttar lea registtar eaktodáhtolaš organisašuvnnaide Norggas buoridit ja álkidit oktavuođa gaskkal eaktodáhtolaš organisašuvnnaid ja almmolaš eiseválddiid. Registarii čáliheapmi lea gáibádussan oassálastit Álbmotoassái.

Eaktun oažžut oasi álbmotruđain lea ahte organisašuvnnas leat báikkálaš doaimmat, ja lea báikkálaččat čálihuvvon Eaktodáhtolašvuođaregistarii iehčanas juridihkalaš ovttadahkan.

Eaktodáhtolaš organisašuvnnat geat  leat vuoigadis oažžut álbmotruđaid sáhttet juovlamánu 1.b. rájes ja 2009' lohppii čálihit iežaset nuvttá Eaktodáhtolašregistarii. Mii leat šiehtadan ahte Norsk Tipping máksá goluid eaktodáhtolaš álbmotruđaidvuoigadis organisašuvnnaide geat čálihit iežaset Eaktodáhtolašregistarii, dadjá kulturministtar Trond Giske.

Vaikko vel sáhttá ge sisačálihit juovlamánu 2.b. rájes, ii álggahuvvo áššemeannudeapmi ovdalgo ođđajagemánu 5.beaivvi 2009. Sivvan lea Eaktodáhtolašregistarii čáliheami čatnoseapmi dan ođđa  "Álbmotoasi".  ortnegii. Lea gáibádus registreret Eaktodáhtolašvuođaregistarii go áigu oassálastit Álbmotoassái. Álbmotoasi bokte lea vejolaš Norsk Tipping spellejeaddjiide addit gitta 5 % speallanruđain báikkálaš organisašuvdnii maid spellejeaddji hálida doarjut.

Sisačáliheapmi Eaktodáhtolašvuođaregistarii galgá vuosttažettiin dahkkojuvvot elektronalaččat  www.altinn.no   bokte, muhto lea maid vejolaš registreret bábirblankeahta bokte.

Bábirblankeahtat leat fidnemis 51. vahku rájes, ja sáhttá tiŋgot daid Brønnøysundregistaris www.brreg.no . Leat dušše vuođđudusat geat fertejit bábirblankeahta atnit registreret iežaset.
 
Eaktodáhtolašvuođaregisttar dieđut: 
  • lea eaktodáhtolaš organisašuvnnaid registtar Norggas
  • lea ásahuvvon eaktodáhtolaš suorggi veajuin
  • lea Brønnøysundregisttar vuollásaš maid Ovttadatregisttar hálddaša
  • Eaktodáhtolašvuođaregistara ulbmil:
    • Buoridit ja álkidit ovttasdoaimma gaskal eaktodáhtolaš doaimmaid ja almmolaš eiseválddiid.
    • Nannet ja seailluhit eaktodáhtolaš doaimma vuođu
    • Láhčit dili dutkamii ja statistihkkii
    • Buoridit almmolaš politihka hábmema vuođu eaktodáhtolaš doaimmaid ektui
  • Buot registtardieđut leat almmolačča, earret riegádusnummar
  • Diehtoovdamearkkat maid sáhtát viežžat registaris:
    • Organisašuvdnanummara, organisašuvdnahámi, čujuhus- ja gulahallandieđuid, dieđuid organisašuvnna doaimmaid birra, rolladoalliid birra jna.
Gávnnat eanet dieđuid Eaktodáhtolašvuođaregistaris www.brreg.no/frivillighet  dahje go válddát oktavuođa Brønnøysundregistara diehtojuohkintelefovnnain 75 00 75 00