Gerd álggii bargat Porsáŋggu gielddas 48 jagi dás ovdal, 10.12.1962:s dalle go Hans A. Opstad lei sátnejođiheaddjin. Dan rájes leamaš 10 sátnejođiheaddji doaimmas. Gerd álggii álggos kánturveahkkin Porsáŋggu gildii. Dán rájes leamaš sus iešguđetlágan virggit nugo sosiálakurator, sosiálahoavda, ekonomiijahoavda ja maŋimuš velá gielddaruhtadoallin gos vearrogáibideaddji barggut ledje oassin su barggus. Vuosttaškonsuleanta Leif Andersen váldá dál badjelasas vearrogáibideaddjibargguid.
Vuossárgga čalmmusteamis ráđđeviesus dolle máŋggas giito- ja dearvvuođasártniid ja geigejedje skeaŋkkaid ee. doaibmi ráđđealmmái Helge Nicolaisen, plána- ja ekonomiijahoavda ja bargoskibir Josef Vedhugnes, čálli ja bargoskibir Bente Olsen. Várresátnejođiheaddji Kåre Olli rámiidii ja giitii Gerd barggu ovddas, ja buohkat geat ledje boahtán čalmmusteapmái sávve sutnje lihkku penšunistaeallimiin.
