Gielda váldá badjelassi borgárlaš vihahemiid

Gielda fállá náitima gieldda ássiide ja sidjiide geat eai oro Norggas, muhto sáhttet náitalit Norggas náittoslága §12a vuođul. Lea doarvái ahte okta náittosolbmuin lea ásahuvvon gielddas mii lea geatnegas fállat náitima. Álbmotregistara njuolggadusat mearridit geat gieldda ássit leat. Gielda fállá maid borgárlaš vihaheami olgoriikalaš stádaborgáriidda ja norgalaččaide geat orrot olgoriikkas. Sidjiide lea nuvttá seamma ládje go gieldda ássiide.

Porsáŋgu gielda fállá earáid náitalit, muhto dalle ferte náittospárra gokčat gieldda olggosgoluid.

Ovdal go sáhtát náitalit ferte álbmotregisttar čálihit geahččalanduođaštusa. Duođaštus lea fámus njeallje mánu. Duođaštus addo go leat deavdán iešguđetlágan skoviid. Skoviid gávnnat vearrokantuvrra ruovttusiidduin dahje stáhtalaš skovvi arkiivvas.

Dus ferte geahččalanduođaštus ovdal go sáhtát šiehtadit náitima gielddain.

Porsáŋggu gielddas lea heivehanmunni goas sáhttá fállat náitima. Bargoáiggis leat eanáš resursat olámuttos ja eanaš náitimat nuvttá. Go diŋgot náitima ávžžuha gielda ahte maid diŋgot náittosáiggi ja baiki. Gielddas lea náittosvistti gosa čáhket olu olbmot.

Náitin lea seremoniija ja borgárlaš vihaheami teaksta geavahuvvo. Teaksta gávdno girjegillii ja ođđadárogillii ja lea jorgaluvvon sámegillii, eŋgelasgillii, duiskagillii, fránskkagillii, spánskkagillii ja ruoššagillii. Teaksta gávdno Bufdir ruovttusiidduin. Musihkka ja diktalohkan lea vejolaš seremoniija vuolde.

Ovdal náitima fertet buktit geahččalanduođaštusa ja legitimašuvnna mas lea namma, govva ja riegádandáhton. Seremoniijas galget leat guokte válddálaš vihtanat. Jus son gii galgá náitit eahpida ahte eavttut eai leat ollašuvvan, sáhttá náitima maŋidit ja sihtat buktit ođđa duođaštusaid. Ii sáhte eará vuođu mielde bissehit náitima.

Geahččalanduođaštusa mielde čuovvu náitindiehtu ja náitingirji. Son gii lea vihahan galgá deavdit girjji. Náittospárra ja vihtanat galget vuolláičállit girjji. Gielda sádde kopiija girjjis álbmotregistarii. Son gii lea vihahan sádde vihahanduođaštusa. Sátnejođiheaddji ja varrasátnejođiheaddji duođašteaba ámmáha. Náittospárra oažžuba kopiija girjjis. Duođaštus lea gaskaboddosaš náitinduođaštus. Álbmotregisttar sádde loahpalaš náitinduođaštusa.

Porsáŋgu gielda lea geatnegas čallit náitingirjji buot gieldda náittosdiliin. Girjjis lea geahččalanduođaštus, náitin dieđiheapmi ja náitingirji.

Gielddalaš láhkaásahusas lea máksin mearriduvvon. Fálaldat lea nuvttá gieldda ássiide ja sidjiide geat eai oro Norggas.

Jus it náital bargoáiggis fertet gokčat gieldda olggosgoluid. Gielda veardida ja dieđiha olggosgoluid buori áiggis. Earát geat háliidit náitalit Porsáŋggu gielddas fertejit gokčat buot gieldda olggosgoluid.

Bálvalusa birra logat eambbo das. Don sáhtát maid čuojahit tlf. 78 46 00 00.

Diŋgonskovi gávnnat gieldda neahttasiiddus das.

Jus háliidat náitalit Porsáŋggu gielddas de fertet sáddet e-boastta almmolaš bálvaluskantuvrii. E-boasttas čalat náittospára namaid, e-boasttačujuhusa, telefovdnanummira, gos háliidat náitalit ja goas. Sádde maid geahččalanduođaštusa kopiija. Hálddahus váldá oktavuođa náittospárain.